Міністр эканомікі і прамысловасці Францыі Эманюэль Макрон сышоў у адстаўку са сваёй пасады, каб мець магчымасць удзельнічаць у кампаніі па выбарах прэзідэнта краіны ў 2017 годзе.
Тым самым пацвердзіліся чуткі з гэтай нагоды, якія цыркулявалі ў СМІ і сталі асабліва актыўнымі ў аўторак, 30 жніўня.
Макрон, якога называюць «самым маладым сярод старых» палітыкаў Францыі, заявіў, што сыходзіць, каб цалкам прысвяціць сябе свайму палітычнаму руху.
Яго прадстаўнік заявіў, што Макрон не будзе аб'яўляць пра свае планы ў дзень адстаўкі.
Ён стварыў палітычны рух En Marche! («Наперад!») у красавіку 2016 года. Рух налічвае каля 50 тысяч членаў і пазіцыянуе сябе як «не левы і не правы».
Заснавальнік руху ў 2006-2009 гадах быў у сацыялістычнай партыі Францыі. Пасаду міністра ў кабінеце Мануэля Вальса заняў у жніўні 2014 года. Ён працаваў у банкірскім доме Ротшыльдаў і ў апараце супрацоўнікаў прэзідэнта Франсуа Алянда.
Раней аб сваім намеры балатавацца на пасаду кіраўніка дзяржавы заявілі былы прэзідэнт Францыі Нікаля Сарказі і былы прэм'ер-міністр Ален Жупэ. Абодва прадстаўляюць лагер правых.
Зноў мае намер выставіць сваю кандыдатуру і лідар крайне правага «Нацыянальнага фронту» Марын Ле Пен.
Выбары прэзідэнта Францыі адбудуцца вясной 2017 года.
-
«Пасля апошняй размовы з маім папярэднікам бомбы ўпалі на дзіцячую бальніцу ва Украіне». Мерц упэўнены, што не трэба ўгаворваць Пуціна
-
Расія пашырыла сваё прадпрыемства па вытворчасці стратэгічных бамбавікоў. Але сістэмных праблем гэта не вырашае
-
У Дэтройце раскідалі з верталёта тысячы даляраў. Усім дасталося патрошкі
Цяпер чытаюць
Галоўны ідэолаг Беларусі знайшоў у краіне «псеўдапатрыятычныя ячэйкі» і заклікаў да змагання з імі «адзіным баявым кулаком»16
Каментары