Паводле звестак Цэнтрвыбаркама на 30 жніўня, з выбараў зняліся ўжо 30 кандыдатаў у дэпутаты. Такім чынам, у выбарах удзельнічаюць 495 прэтэндэнтаў на дэпутацкі мандат.
Па выніках вылучэння быў зарэгістраваны 521 кандыдат, яшчэ аднаго зарэгістравалі на падставе рашэння тэрытарыяльнай камісіі, трох — па рашэнні судоў.
315 удзельнікаў выбарчай кампаніі з'яўляюцца членамі палітычных партый. З іх пяць чалавек прадстаўляюць Беларускую партыю «Зялёныя», 37 — Беларускую партыю левых «Справядлівы свет», 16 — Беларускую патрыятычную партыю, 27 — Беларускую сацыял-дэмакратычную партыю (Грамада), 36 — Камуністычную партыю Беларусі, 74 — Ліберальна-дэмакратычную партыю, 55 — Аб'яднаную грамадзянскую партыю, 48 — Партыю БНФ, 17 — Рэспубліканскую партыю працы і справядлівасці.
Сярод кандыдатаў 115 жанчын; ўзрост 52 чалавек не перавышае 30 гадоў. У ліку кандыдатаў 28 дэпутатаў Палаты прадстаўнікоў дзеючага склікання і 35 дэпутатаў мясцовых саветаў.
Парламенцкія выбары адбудуцца 11 верасня.
Цяпер чытаюць
У Мінску адбыліся масавыя затрыманні выдаўцоў і кнігараспаўсюднікаў29
Каментары