Нямеччына – Польшча – 2:0. Два галы на рахунку гульца польскага паходжаньня Лукаша Падольскага.
Зборная Нямеччыны перамагла зборную Польшчы - 2:0.
Цікава, што два галы – на 20-й і 74-й хвіліне – на рахунку форварда «Баварыі» польскага паходжаньня Лукаша Падольскага. Прычым падчас першага забітага мячу яму асыставаў другі польскі немец – Міраслаў Клозэ.
Хіба толькі перамога Робэрта Кубіцы на Гран-Пры Канады (Формула-1) крыху адцяняе негатыўныя эмоцыі гэтага дня для польскага балельшчыка.
Сёньня зборная Харватыі выйграла ў каманды-гаспадыні – аўстрыйскай зборнай зь лікам 1:0.
Адзіны мяч на 4-й хвіліне забіў з пэнальці Лука Модрыч («Тотэнхэм» Лондан).
Аўстрыйцы, якіх яшчэ перад чэмпіянатам называлі гарматным мясам, паказалі характар, і ў другім тайме мелі некалькі момантаў, каб зраўняць лік.
Такім чынам зборныя Нямеччыны і Харватыі набіраюць па тры балы, у палякаў і аўстрыйцаў – 0.
Другі тур у гэтай групе будзе згуляны ў чацьвер, 12 чэрвеня: Харватыя – Нямеччына (19:00). Польшча – Аўстрыя (21:45)
***
У суботу былі згуляныя два матчы ў групе «А».
У паядынку, што адкрываў чэмпіянат, чэхі ў Базэлі перамаглі гаспадароў турніру зборную Швайцарыі – 1:0. Гол на рахунку форварда «Баніка» Вацлава Сверкаша.
У гэтым матчы здарылася й першая трагедыя. Пры канцы першага тайму атрымаў траўму капітан швайцарцаў Аляксандар Фрай. Ён выбыў да канца чэмпіянату.
«Гэта катастрофа», -- сказаў трэнер зборнай Кобі Кун, ахарактарызаваўшы страту свайго харызматычнага лідэра.
Партугалія – Турцыя – 2:0 (Пэпэ, Мэйрэльеш). Гэта, напэўна, была самая відовішчная і цікавая гульня двох дзён.
Турнірнае становішча: Партугалія, Чэхія – па 3 пункты, Швайцарыя, Турцыя – па 0.
Наступны тур у гэтай групе пройдзе ў сераду, 11 чэрвеня. Чэхія – Партугалія (19:00), Швайцарыя – Турцыя (21:45).
***
А ў панядзелак, 9 чэрвеня, распачнуцца гульні ў групе «С».
А 19-й гадзіне распачнецца матч Румынія – Францыя, а ў 21:45, відаць, гвозд першага туру, супэрматч Галяндыя – Італія.
Цяпер чытаюць
Беларускую мову на ЦТ выбірае ўсё меншая доля выпускнікоў школ. Калі 20 гадоў таму яе здавала амаль палова, цяпер — толькі кожны шосты7
Каментары