У 2017 годзе мясцовыя органы ўлады могуць атрымаць права павысіць стаўкі падаткаў для рамеснікаў і ўладальнікаў аграсядзіб. Пра гэта распавёў намеснік міністра фінансаў Юрый Селіверстаў на пасяджэнні пастаяннай камісіі па эканамічнай палітыцы ў Палаце прадстаўнікоў.
Праўда, для мясцовых саветаў дэпутатаў паставяць абмежаванне: стаўку падатку можна будзе падняць не больш чым у тры разы.
Цяпер стаўка складае адну базавую велічыню (21 рубель). Гэта значыць, што максімум, які прыйдзецца плаціць рамеснікам ці ўладальнікам аграсядзіб, — 63 рублі на год.
«Для тых, хто рэальна займаецца справай, дадаткова дзве базавыя велічыні не стануць перашкодай», — выказаў сваё меркаванне Юрый Селіверстаў і ўдакладніў, што прыняцце такога рашэння зусім не кажа пра тое, што стаўкі падымуць ва ўсіх рэгіёнах краіны адразу.
Нагадаем, у канцы мінулага года чыноўнікі ўжо абмяркоўвалі магчымасць павышэння падатку для гэтай катэгорыі. Так, для ўладальнікаў сядзіб падаходны падатак прапаноўвалася павялічыць з адной да 12 базавых велічынь у год, а для рамеснікаў — з аднаго да чатырох у год. Аднак дэпутаты не падтрымалі гэтую прапанову.
Цяпер чытаюць
Віталь з-пад Вілейкі, які падпаліў хату з уласнымі дзецьмі, завербаваўся ў расійскае войска. І прапаў на першым жа баявым заданні5
Каментары