Прыклад для Беларусі: польская тэрытарыяльная абарона ствараецца на манер Нацгвардыі ЗША
Падраздзяленні тэрытарыяльнай абароны, якія плануе стварыць Польшча, будуць фарміравацца з увагай на амерыканскі досвед, перадае radiopolsha.pl са спасылкай на прэс-сакратара Мінабароны Барталамея Місевіча.
Такім чынам тэрытарыяльная абарона вырасце ў асобную галіну Узброеных сіл, а не будзе проста наборам рознакаліберных добраахвотніцкіх атрадаў ці клубаў.
Нацыянальная гвардыя ЗША фарміруецца па тэрытарыяльным прынцыпе з асобаў, якія жывуць цывільным жыццём, аднак ахвяруюць частку працоўнага і асабістага часу для актыўнай вайсковай падрыхтоўкі.
Узбраенне, накірунак падрыхтоўкі і рыштунак Нацыянальнай гвардыі нічым не адрозніваюцца ад гэткіх у рэгулярных войскаў — такім чынам гэта нармальныя баяздольныя войскі з бранетэхнікай, артылерыяй і нават авіяцыяй, а не аматары-партызаны са легкай стралковай зброяй «на уік-энд».
Сухапутныя часткі НГ ЗША, якія складаюцца з 28 баявых брыгадных групаў, бралі актыўны ўдзел у змаганні з баевікамі ў Іраку да 2011 года, фактычна з'яўляючыся войскамі рэзэрву амерыканскай арміі.
Цяпер чытаюць
За забойства чалавека ў ІЧУ Барысава арыштавалі двух зэкаў-рэцыдывістаў і 26‑гадовага міліцыянера Кляшчонка7
Каментары