Беларускія карыстальнікі цяпер могуць папоўніць электронны кашалёк ў сэрвісе «Яндэкс.Грошы» наяўнымі праз тэрміналы PayNet. Гэта стала магчымым дзякуючы супрацоўніцтву «Яндэкс.Грошай», PayNet, Isec-System і «БПС-Сбербанка», паведаміла прэс-служба сэрвісу «Яндэкс.Грошы».
Да гэтага часу жыхары Беларусі маглі пакласці грошы ў электронны кашалёк толькі з банкаўскай карты. Цяпер гэта можна зрабіць і наяўнымі ў любым з 1500 тэрміналаў PayNet па ўсёй краіне. Камісія за папаўненне такім чынам складае 5%.
Паслуга будзе даступная любому карыстальніку, які ў адпаведнасці з заканадаўствам Беларусі пройдзе ідэнтыфікацыю ў офісе Isec-System: па дамове з «БПС-Сбербанкам» гэтая кампанія выконвае функцыю агента па ідэнтыфікацыі плацельшчыкаў. Пацвердзіўшы правільнасць дадзеных у кашальку, можна будзе адразу ж папоўніць рахунак наяўнымі праз тэрмінал PayNet.
«Наша задача — зрабіць так, каб карыстальнікам было зручна аплачваць пакупкі і адпраўляць грашовыя пераводы праз інтэрнэт, — адзначыла Ганна Кузьміна, намеснік камерцыйнага дырэктара «Яндэкс.Грошай». — Цяпер жыхары Беларусі могуць карыстацца ўсімі перавагамі кашалькоў у «Яндэкс.Грошах».
За год колькасць карыстальнікаў сэрвісу «Яндэкс.Грошы» у Беларусі павялічылася на 30%. Уладальнікі электронных кашалькоў і банкаўскіх картак могуць аплачваць пакупкі ў інтэрнэт-крамах і на анлайн-сэрвісах праз «Яндекс.Касу» - аплатнае рашэнне «Яндэкс.Грошай». Яна дазваляе плаціць і іншымі папулярнымі спосабамі — напрыклад, наяўнымі праз тэрміналы ў Расіі і краінах СНД. Сёння да «Яндекс.Касы» падключана больш за 75 тыс. расійскіх і замежных анлайн-пляцовак.
Каментары