Ужо ў панядзелак, 3 кастрычніка, стартуе Нобелеўскі тыдзень — прысуджэнне прэмій у 2016 годзе.
У панядзелак у 12:30 па мінскім часе будзе абвешчаны нобелеўскі лаўрэат у галіне фізіялогіі і медыцыны.
У аўторак і сераду будуць прысуджаныя прэміі ў галіне фізікі і хіміі адпаведна (у 12:45 у кожны з дзён).
У пятніцу, 7 кастрычніка, а 12:00 стане вядомы лаўрэат Нобелеўскай прэміі міру.
У наступны панядзелак, 10 кастрычніка, абвесцяць лаўрэата па эканоміцы.
Як паведамляе сайт Нобелеўскага камітэта, дзень абвяшчэння лаўрэата прэміі па літаратуры стане вядомы пазней.
Але звычайна яго імя называюць у чацвер а 14-й паводле мінскага часу.
Год таму Нобель па літаратуры быў прысуджаны беларускай пісьменніцы Святлане Алексіевіч.
Нагадаем, што сама цырымонія ўручэння адбываецца ў снежні.
Каментары