На запрашэньне ўраду ў Беларусь прыбывае Дзяржсакратар Ватыкану.
На запрашэньне ўраду ў Беларусь прыбывае Дзяржсакратар Ватыкану.
Кардынал Тарчызіё Бэртонэ з 18 да 22 чэрвеня наведае Беларусь на запрашэньне ўраду з афіцыйным візытам, паведамілі ў МЗС. Бэртонэ — дзяржаўны сакратар Сьвятога Пасаду, што адпавядае прыкладна міністру замежных справаў або прэм'ер-міністру ў сьвецкіх дзяржавах.
Чакаецца, што кардынала Бэртонэ прыме Аляксандар Лукашэнка. Адбудуцца таксама сустрэчы зь міністрам замежных справаў Беларусі Сяргеем Мартынавым, Упаўнаважаным у справах рэлігій і нацыянальнасьцей Леанідам Гулякам. Плянуецца і сустрэча Яго Эмінэнцыі з праваслаўным Мітрапалітам Філарэтам.
Візыт мае быць падкрэсьлена насычаны.
У рамках яго кардынал наведае Беларускі дзяржаўны універсітэт і выступіць перад студэнтамі зь лекцыяй на тэму «Вера і розум: як гаварыць пра Бога сучаснаму чалавеку».
Ён пабывае таксама ў Пінску й Гародні, дзе месьцяцца сэмінарыі, у Глыбокім на Фэстывалі хрысьціянскіх фільмаў, стрэнецца зь біскупамі.
22 чэрвеня, у нядзелю, ён мае служыць імшу ў сталічнай катэдры. У той жа дзень ён ускладзе вянок да манумэнта Перамогі.
Мяркуецца, што імша будзе трансьлявацца ўжывую нацыянальным тэлебачаньнем — рэдкая зьява.
Цяпер чытаюць
«Муж сышоў з Сіплым і Малым». Імаверна, пад Краматорскам украінцы адным махам убайдосілі трох беларускіх наёмнікаў19
Каментары