Адзін з работнікаў гандлёвага цэнтра «Еўропа» Аляксандр распавёў, як затрымаў нападніка з сякерай. 8 кастрычніка невядомыя напалі з бензапілой і сякерай на наведвальнікаў цэнтра. У выніку некалькі чалавек былі параненыя, адна жанчына загінула.
Мужчына распавёў што ўбачыў паніку, калі выйшаў з туалета. Паводле яго слоў, па ГЦ бег чалавек з сякерай і газавым балончыкам. Хлопцы з іншых крам замахваліся на яго крэсламі і кідалі смеццевыя вёдры, спрабуючы спыніць.
— Я заўважыў, што ён па лесвіцы збіраецца бегчы да выхаду, я хутчэй спусціўся па эскалатары і перахапіў яго. Ударыў пару разоў і скруціў. Падбеглі іншыя хлопцы і дапамаглі. Праз пару хвілін падаспелі супрацоўнікі міліцыі і адвялі нападніка.
Аляксандр распавёў, што мужчына славянскай знешнасці. Ён не аказваў супраціву.
Нагадаем, што ўчора ў гандлёвым цэнтры «Еўропа» ў цэнтры Мінска 18-гадовы хлопец з бензапілой і сякерай напаў на наведвальнікаў. Адна жанчына была параненая, яшчэ адна загінула.
Малады чалавек 1998 года нараджэння прынёс сякеру ў футурале ад музычнага інструмента, а ў руцэ трымаў бензапілу.
З заведзенай бензапілой ён напаў на дзвюх работніц ГЦ каля «Тэра піцы». Меркавана, адну жанчыну хлопец параніў, яна ў бальніцы. Пасля чаго нападнік накінуўся на іншую жанчыну. Ёй выратавацца не ўдалося, яна загінула.
РЕБЯЯЯЯЯЯТ
— Alesya Pasinitskaya (@Pasinitskaya_A) 8 октября 2016 г.
Меня чуть не убили в ТЦ Европа
Ходил парень с пилой и автоматом
Все выбегали как ненормальные pic.twitter.com/NQDafIiXkz
АНТ са спасылкай на міліцыю ў «Навінах» паведаміла, што гэта была супрацоўніца крамы. Яна адышлася з працоўнага месца купіць калготкі. Пазней СК паведаміў, што яна 1973 г.н.
Па факце нападу распачата крымінальная справа, паведаміў сёння журналістам у Мінску першы намеснік старшыні Следчага камітэта Аляксей Волкаў.
«Па гэтым факце заведзена крымінальная справа. Яна прынята да вытворчасці следчымі цэнтральнага апарата Следчага камітэта. Праводзяцца следчыя дзеянні», — паінфармаваў БелТА Волкаў.
Нападнік быў адзін. А чуткі пра тое, што нападнікаў было некалькі, звязаныя з тым, што чалавека бачылі спачатку з бензапілой, потым з сякерай, растлумачылі ў Следчым камітэце.
Міліцыя з месца здарэння паведаміла падрабязнасці трагедыі.
«Малады чалавек 1998 года нараджэння ў 17:28 прыйшоў у ГЦ «Еўропа». Ён быў добра апрануты, у яго быў чахол для гітары, у якой была сякера, а пры сабе бензапіла. Ён заведзенай бензапілой прычыніў цялесныя пашкоджанні жанчыне, яна памерла. Потым расшпіліў чахол, дастаў сякеру і пачаў пагражаць пакупнікам. Грамадзян было няшмат, тры-чатыры чалавекі.
У 17:34 паступіў першы званок у дзяжурную частку ГУУС,
у 17:35 прыбыў першы нарад…
У 17:38 нападнік быў затрыманы. Ён знаходзіцца ў дзяжурнай частцы РУУС».
Заява міліцыі (відэа)
Цела загінулай ляжыць на першым паверсе ГЦ «Еўропа», каля ўваходу ў кавярню. Яно бачнае з вуліцы толькі з аднаго ракурсу — на асветленым лапіку падлогі між сталамі.
Насуперак чуткам першых хвілін, паведамляе карэспандэнт НН, галава ахвяры не адрэзаная. На падлозе бачная кроў. Тэрыторыю вакол цела вывучаюць следчыя — некалькі чалавек у цывільным.
Следчы камітэт пачаў крымінальную справу па ч.2 арт.139 КК «Забойства».
Каментары