Раварыста Паліенку прызналі вінаватым і вызвалілі пад апладысменты і воклічы «Жыве Беларусь!»
Паліенку прызналі вінаватым па абодвух артыкулах. Суддзя Есьман задаволіў просьбу пракурора — Дзмітрый атрымаў 2 гады пазбаўлення волі з адтэрміноўкай на 2 гады. Таксама хлопцу давядзецца прайсці лячэнне ад алкагалізму.
Хлопца вызвалілі ў зале суда пасля абвяшчэння прысуду. Яго сустрэлі апладысментамі і крыкам «Жыве Беларусь!». А сябры загадзя падрыхтавалі для Дзмітрыя торт.
Прыйшла на працэс і мама экс-палітвязня Ігара Аліневіча. Яна перадала Паліенку кнігу сына і запіску ад Ігара.
«Я не чакаў такога выніку — думаў, дадуць 4 гады, — сказаў Дзмітрый. — Але, напэўна, нашай уладзе не патрэбныя новыя санкцыі».
Па яго словах, ён чакаў рэальнага тэрміну, бо «кампрамат» на яго міліцыя пачала шукаць яшчэ да «Крытычнай масы».
«Нам з адвакатам стала вядома, што яшчэ ў сакавіку, пасля майго ўдзелу у акцыях ля расійскай амбасады, МУС Беларусі звяртаўся да МУС Расіі, каб атрымаць мой пароль і логін ад сацсеткі Укантакце.
Дзмітрый кажа, што ў зняволенні яму пагражалі.
«Казалі, што пакідаем па розных камерах, тады пабачыш», — кажа хлопец. Праўда, свае пагрозы міліцыянты так і не здзейснілі.
Як ён правядзе першы дзень на волі Дзмітрый пакуль не ведае. Кажа, галава пакуль ідзе кругам ад усяго гэтага.
Цяпер чытаюць
19‑гадовы курсант Акадэміі МУС набіў сабе на лбе мішэнь і паехаў штурмаваць Запарожжа. Ідэя спрацавала21
Каментары