Асуджаны на 13 гадоў палітвязень Кірыл Ашурак перанёс у зняволенні мікраінсульт
На 26‑гадовага палітзняволенага і фігуранта справы «Атрады грамадзянскай самааабароны Беларусі» ў зняволенні адбываецца ціск.
У магілёўскай калоніі № 15 яго перыядычна змяшчалі ў штрафны ізалятар, пасля яго змясцілі ў памяшканне камернага тыпу, піша «Вясна».
Паводле інфармацыі праваабаронцаў цяпер палітвязня асудзілі паводле арт. 411 КК (злоснае непадпарадкаванне адміністрацыі калоніі). Паводле новага прысуду тэрмін ён будзе адбываць у калоніі строгага рэжыму № 9 у Горках.
Вядома, што ў Кірыла вельмі цяжкі стан здароўя. Ён мае шэраг сур'ёзных захворванняў, а напрыканцы 2025 года ў палітвязня здарыўся мікраінсульт.
Паводле інфармацыі «Вясны», Кірыл не бачыўся з роднымі ўжо тры гады.
Кірылу Ашурку прысудзілі 13 гадоў калоніі ва ўмовах узмоцненага рэжыму і штраф 400 базавых адзінак (12 800 рублёў) паводле ч. 2 арт. 290-4 (удзел у дзейнасці тэрарыстычнай арганізацыі), ч. 6 арт. 16 і ч. 2 арт. 289 (памагаты ў акце тэрарызму) Крымінальнага кодэкса.
Яго асудзілі па справе «Атрады грамадзянскай самаабароны Беларусі», якую ў Беларусі прызналі тэрарыстычнай арганізацыяй. Па справе таксама праходзілі — Дзмітрый Сасноўскі, Аляксей Глотаў, Наталля Мацвеева, Вадзім Гулевіч Ім інкрымінуюцца тры эпізоды — спроба падрыву вузла сувязі Вайскова-марскога флоту Расеі ў Вілейцы, замах на прапагандыста Рыгора Азаронка і спроба знішчыць лесанарыхтоўчую тэхніку ў лясгасах.
Цяпер чытаюць
Хто забараняе ў Беларусі кнігі — вось гэтыя 22 чалавекі33
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары