Украіна паказала начынку «Арэшніка»: электроніка вырабленая на мінскім «Інтэграле». Тое самае з крылатымі ракетамі
Падчас сустрэчы з еўрапейскімі пасламі ў Кіеве ўкраінскі бок заклікаў да больш жорсткага кантролю за доступам Беларусі да замежнай электронікі.
Прадстаўнікі Офіса прэзідэнта Украіны правялі сустрэчу з пасламі еўрапейскіх краін, на якой абмеркавалі ўзмацненне санкцый супраць Расіі.
Еўрапейскім дыпламатам паказалі абломкі расійскіх ракет «Цыркон», «Калібр», Х-101 і беспілотнікаў «Герань-2», якімі Расія атакавала Украіну ў ноч на 24 мая.
Як выявілася, у гэтай зброі стаяць кампаненты, вырабленыя ў Швейцарыі, Германіі, ЗША, Вялікабрытаніі, Японіі, Кітаі і іншых краінах, прычым некаторыя дэталі былі выпушчаны ў гэтым годзе. Для параўнання паслам паказалі старыя платы ад снарадаў «Град», якія складаюцца толькі з расійскіх і беларускіх дэталяў 2004—2014 гадоў вытворчасці.
Паводле ўкраінскага боку, важна таксама ўзмацніць кантроль за доступам Беларусі да замежнай электронікі. Некаторыя кампаненты, якія змяшчаюцца ў расійскіх ракетах, былі выраблены на мінскім заводзе «Інтэграл», у тым ліку мікрасхемы і платы для крылатых ракет і ракеты «Арэшнік».
Без дапамогі ці прамысловай базы іншых краін, Расія не ў стане наносіць такія маштабныя ўдары, заяўляе ўкраінскі бок.
Цяпер чытаюць
Соф'я Сапега: Пратасевіч нагаварыў на мяне цэлы том крымінальнай справы46
Соф'я Сапега: Пратасевіч нагаварыў на мяне цэлы том крымінальнай справы
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары