«Цукеркі ў шакаладзэ, б**дзь!» Расійская блогерка-мільённіца наведала Беларусь і высмеяла беларускую мову
Тыктокерка Гаспажа Эвелін апублікавала відэа, дзе на шляху ў нашу краіну адкрыта здзекуецца з беларускай мовы.
Ролік дзяўчыны выйшаў 12 мая і набраў на сёння 500 тысяч праглядаў. Тыктокерка пазначыла, што відэа старое — мяркуючы па іншых роліках, яна была ў Беларусі ў красавіку.
Тое відэа дзяўчына зняла ў цягніку, на якім ехала ў Беларусь разам з сяброўкамі. Распачынае яна яго са словаў «Мы едзем у Беларусь вось такім складам адпачываць», якія вымаўляе з оканнем — праўда, незразумела, які акцэнт яна спрабуе гэтым спарадзіраваць.
старый видос
Далей дзяўчаты з мацюкамі і смехам абмяркоўваюць надпісы на пакунках пячэння — не разумеюць, чаму ў беларускім цягніку, хаця яны яшчэ ў Расіі, ёсць пячэнне з надпісам «слодыч». Але найбольш блогерку насмяшыў надпіс на ўпакоўцы цукерак:
«Журавіньі цукеркі ў шакаладзэ, б**дзь!».
Шмат хто з людзей пакінуў каментары пра тое, што бачыць гэта ім было непрыемна і пра блогерку яны былі лепшага меркавання. Самы папулярны каментар пад відэа, які набраў больш за 5500 лайкаў, гучыць так:
«Навошта зневажаць чужую мову?»
Гаспажа Эвелін — так сябе называе гэтая блогерка — і раней была вядомая зусім не па інтэлектуальным кантэнце. Яе профіль у тыктоку поўны расказаў пра моднае, на думку дзяўчыны, адзенне, падарожжы і касметыку. Але нямала там і бессэнсоўных жартоўных відэа з выкарыстаннем ШІ, і простых ліпсінкаў, калі блогерка варушыць вуснамі пад музыку.
У красавіку, на праваслаўны Вялікдзень, Эвелін таксама выклала відэа з Беларусі:
«Добры дабрадзейны ранак, я цяпер снедаю ў бабчыным санаторыі ў Мінску яечкамі. Проста каб вы разумелі, мы вырашылі зладзіць сабе рэтрыт, і мы менавіта ў бабчыным санаторыі ў Мінску. Я цяпер нібыта ў СССР, гэта вельмі дабрадзейна».
не таланты, а импланты… я перепутала название
Чарговы ролік з нашай краіны з’явіўся ў акаўнце Эвелін некалькі дзён таму. Паводле яго, дзяўчына запісвала ў нашай краіне сваю новую песню — так, яна яшчэ і спявае, хоць песні ў яе не самыя складаныя. Напрыклад, днямі выходзіць трэк Эвелін пад назвай «Імпланты», дзе прыпеў пачынаецца словамі «Мне больш не трэба таланты, у мяне імпланты».
«Наша Нiва» — бастыён беларушчыны
ПАДТРЫМАЦЬЦяпер чытаюць
«Кайлас, я іду». Што за беларуска знікла ў жудасным селі ў Непале9
Каментары
[Зрэдагавана]
[Зрэдагавана]