У Адэскім порце разгружаны танкер з 84,7 тыс. т азербайджанскай нафты, прызначанай для Мазырскага НПЗ. Пра гэта гаворыцца ў паведамленні прэс-службы Адэскага порта.
Груз дастаўлены вечарам 19 кастрычніка з порта Супса танкерам ALHANI (даўжыня макс. — 249 м, сцяг — Лівія). Пасля адкаткі ў берагавыя ёмістасці адной з адэскіх нафтабаз, нафта будзе адпраўляцца чыгуначнымі цыстэрнамі на Мазырскі НПЗ.
У прэс-службе канцэрна «Белнафтахім» агенцтву БелТА пацвердзілі інфармацыю пра тое, што ў бліжэйшы час Мазырскі НПЗ атрымае партыю азербайджанскай нафты. «Сапраўды, у порце Адэсы выгружаная партыя азербайджанскай нафты, прызначаная для перапрацоўкі на Мазырскім НПЗ. Яго тэхналагічная аснашчанасць дазваляе перапрацоўваць розныя гатункі нафты», — заявілі ў канцэрне.
Як адзначылі ў прэс-службе, «Беларусь прапрацоўвае розныя варыянты паставак нафты ў сувязі з недазагрузкай беларускіх НПЗ расійскай сыравінай».
Як паведамлялася, у трэцім квартале 2016 года пастаўкі расійскай нафты ў Беларусь скараціліся на 2,25 млн. т.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1313
Каментары