«Міс Зямля — 2016» стала 23-гадовая эквадорка, якая ў мінулым пакутавала на параліч нерваў твару
Пераможцам сёлетняга конкурсу «Міс Зямля» стала эквадорка Катарына Эспін.
Дзяўчыне 23 гады. У анкеце на сайце гаворыцца, што ў дзяцінстве яна пакутавала на параліч нерваў твару.
Калі ў яе спыталі, што яна можа расказаць пра сваю краіну, тая пахваліла эквадорскія ўлады, «якія клапoцяцца пра наваколле і выдалі шмат законаў, каб абараніць прыродную і культурную спадчыну дзяржавы».
«Міс Зямля» (англ. Miss Earth) — адзін з чатырох найбуйнейшых міжнародных конкурсаў прыгажосці, пры гэтым самы малады з іх, піша top-antropos.com. Першы конкурс «Міс Зямля» адбыўся ў 2001 годзе, іншыя ж прэстыжныя конкурсы прыгажосці мелі да таго часу салідную гісторыю: «Міс свету» праводзіцца з 1951 года, «Міс Сусвет» — з 1952, «Міс Інтэрнэшнл» — з 1960. «Міс Зямля» адрозніваецца ад падобных конкурсаў сваёй яўнай экалагічнай скіраванасцю: журы ацэньвае не толькі знешні выгляд удзельніц, але іх экалагічную праграму. Пераможца конкурсу «Міс Зямля» на працягу года актыўна ўдзельнічае ў мерапрыемствах па ахове навакольнага асяроддзя.
Конкурс «Міс Зямля» праводзіцца на Філіпінах. Адзінае выключэнне — 2010 год, калі конкурс прайшоў у В'етнаме.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам25
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары