У Варшаве адбылася першая імша ў Храме Провіду Божага, дэкларацыя аб будаўніцтве якога была прынятая Вялікім Соймам яшчэ ў 1791 годзе, паведамляе Радыё Польшча.
У пятніцу 11 лістапада тысячы людзей узялі ўдзел у першай імшы ў Храме Провіду Божага. Імша стала пачаткам урачыстасцяў, прымеркаваных да 98-годдзя аднаўлення Польшчай незалежнасці. У цырымоніі ўзялі ўдзел першыя асобы дзяржавы, у тым ліку прэзідэнт Польшчы Анджэй Дуда і прэм'ер-міністр Беата Шыдла.
Літургічная служба пачалася з выканання дзяржаўнага гімна. Кардынал Казімеж Ныч у сваёй прамове адзначыў, што дня адкрыцця храма палякі чакалі больш за 200 гадоў. Дэкларацыя аб будаўніцтве царквы была прынятая Вялікім Соймам ў 1791 годзе праз два дні пасля прыняцця Канстытуцыі 3 мая.
Было шмат спробаў выканаць абяцанне, але яны не ўвянчаліся поспехам. У 1998 годзе, па ініцыятыве прымаса Польшчы, кардынала Юзафа Глемпа, Сейм зноўку пацвердзіў сваё рашэнне ад 1791 года. Для будаўніцтва было выбранае месца ў цэнтры варшаўскага раёна Вілянаў. У новым конкурсе перамог праект прафесара Марка Будзыньскага.
Храм Провіду Божага мае форму куба з купалам. У верхнім храме размешчаныя алтары і капліцы, прысвечаныя важным падзеям у гісторыі Польшчы. Ніжні храм з'яўляецца свайго роду польскім Пантэонам — месцам пахавання выбітных палякаў, напрыклад, тут пахаваны святар Ян Твардоўскі і апошні прэзідэнт Польшчы ў выгнанні Рышард Качароўскі, які загінуў у авіякатастрофе пад Смаленскам.
Акрамя таго, на базе культурна-рэлігійнага Цэнтра Провіду Божага будзе створаны музей папы Яна Паўла II і прымаса Польшчы кардынала Стэфана Вышынскага. Адкрыццё музея запланаванае на восень 2018 года.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары