На сёння ўсё роўна самым даходным застаецца дэпазіт, сказаў кіраўнік Сбербанка.
Кіраўнік Сбербанка Герман Грэф чакае курс даляра на ўзроўні 84—85 расійскіх рублёў [сёння — 73 рублі] да канца 2026 года і адначасова лічыць, што самым выгадным укладаннем грошай цяпер застаюцца банкаўскія дэпазіты, піша Moscow Times.
«Наш сённяшні прагноз на канец года — прыкладна 84—85 рублёў. Але прагноз, вядома, не ўлічвае ўсіх абставін, якія могуць узнікнуць», — сказаў Грэф.
Ён параіў прыватным інвестарам размяшчаць сродкі на дэпазітах. Паводле яго слоў, пры цяперашняй сітуацыі самым даходным інструментам на доўгай дыстанцыі застаюцца банкаўскія ўклады.
«Як ні парадаксальна, на сёння ўсё роўна самым даходным застаецца дэпазіт, пры тым што стаўкі зніжаюцца», — сказаў кіраўнік Сбербанка.
Паводле дадзеных ЦБ, сярэдняя максімальная стаўка па ўкладах у топ-10 расійскіх банкаў у трэцяй дэкадзе мая склала 12,97% гадавых. Ніжэй за 13% гэты паказчык апусціўся ўпершыню з кастрычніка 2023 года.
Падобную рэкамендацыю даў кіраўнік ВТБ Андрэй Косцін. Ён таксама лічыць, што 1 млн рублёў [13,6 тысяч даляраў — НН] з гарызонтам укладанняў на адзін год цяпер лепш размясціць на банкаўскім дэпазіце або ў карпаратыўныя аблігацыі.
Аналітыкі ВТБ дапускаюць аслабленне расійскага рубля да 80 рублёў за даляр да канца года.
У Беларусі даляр сёння каштуе 2,8169 рубля, а 100 расійскіх рублёў — 3,8259 рубля.
У пачатку 2026 года даляр каштаваў 2,9047, а 100 расійскіх рублёў было 3,7058 беларускага.
Цяпер чытаюць
Каб не сядзець у Расіі за наркотыкі, малады даносчык з Ашмянаў запісаўся на фронт. Дый згінуў13
Каментары