«Настаў час сесці за стол перамоваў», — заявіў кіраўнік знешнепалітычнага ведамства Германіі.
Міністр замежных спраў Германіі Ёхан Вадэфуль заклікаў прэзідэнта Расіі Уладзіміра Пуціна да перамоваў аб мірным урэгуляванні ва Украіне — з удзелам еўрапейскага боку, піша Deutsche Welle.
— Настаў час сесці за стол перамоваў, — заявіў кіраўнік знешнепалітычнага ведамства Германіі падчас сустрэчы з мексіканскім калегам Раберта Веласка ў Мехіка ў чацвер, 4 чэрвеня. — Думаю, усе бачаць, што канфлікт уступіў у фазу, якая настойліва патрабуе завяршэння.
Раней прэзідэнт Украіны Уладзімір Зяленскі на фоне прабуксоўкі пасрэдніцкіх намаганняў ЗША звярнуўся да Пуціна з адкрытым лістом, прапанаваўшы прамыя мірныя перамовы паміж лідарамі дзвюх краін на нейтральнай тэрыторыі з удзелам шэрагу еўрапейскіх дзяржаў.
Вадэфуль падкрэсліў важнасць удзелу Германіі і Еўрапейскага Саюза ў перамоўным працэсе. Паводле яго слоў, гаворка ідзе пра еўрапейскі кантынент, магчымыя гарантыі бяспекі для Украіны і працэс яе ўступлення ў ЕС — усе гэтыя пытанні, на яго думку, могуць абмяркоўвацца і вырашацца толькі з удзелам еўрапейцаў.
— Таму еўрапейцы павінны быць уключаныя ў гэтыя перамовы, — падкрэсліў міністр, дадаўшы: — У якім фармаце і калі менавіта гэта адбудзецца, мы можам вырашыць у любы момант.
Каментары
1794-2026 .
Гэта ёсьць стары манэу́р дзьвух адвечных ворагау́ нашага Вялікага Княства , Польшчы і Украіны .