Невядомым хакерам атрымалася абмежаваць доступ карыстальнікаў да сайта Еўракамісіі, а супрацоўнікам ведамства — доступ да інтэрнэту, піша DW. Атака была спыненая, уцечкі дадзеных не адбылося.
Атака адбылася ў другой палове дня ў чацвер, 24 лістапада. Пра гэта паведамляе бельгійскае выданне La Libre Belgique са спасылкай на канфідэнцыйны дакумент Еўракамісіі, які трапіў у распараджэнне журналістаў.
Афіцыйны прадстаўнік Еўракамісіі Маргарыціс Схінас пацвердзіў гэтую інфармацыю, удакладніўшы, што меў месца адзін з відаў DoS-атакі «буйнога маштабу».
Па словах Схінаса, адбылося перанасычэнне паласы прапускання ў Сетку, праз што быў абмежаваны доступ карыстальнікаў да сайта органа выканаўчай улады ЕС, а таксама доступ яго супрацоўнікаў да інтэрнэту. Атака была спыненая, і ніякай уцечкі дадзеных не адбылося. Прадстаўнік Еўракамісіі не ўдакладніў, хто можа стаяць за арганізацыяй кібератакі на сайт ведамства.
Раней паведамлялася, што ў МУС ФРГ сур'ёзна разглядаюць магчымасці расійскіх спецслужбаў па ўздзеянні на грамадскую думку напярэдадні парламенцкіх выбараў 2017 года пры дапамозе кібератак.
Цяпер чытаюць
«Хачу ўзяць інтэрв’ю» — «Не» — «Давайце я вас сфатаграфую» — «Не». Бяляцкі расказаў пра сустрэчу ў калоніі з Пратасевічам3
Каментары