Атрымаць доступ у Сеціва па тэхналёгіі Wi-Fi можна будзе цяпер з дапамогай картак доступу.
На гэты момант толькі нацыянальны аператар электрасувязі "Белтэлекам" прадастаўляе паслугі бесправаднога доступу ў інтэрнет па тэхналогіі Wi-Fi — бясплатна ў рэжыме доследнай эксплуатацыі. З лета 2007 года па краіне арганізавана больш як сто хотспотаў (пунктаў доступу) з выкарыстаннем абсталявання дадзенага стандарта.
Як патлумачылі БелаПАН у РУП "Белтэлекам", з 7 ліпеня атрымаць доступ у інтэрнет па тэхналогіі Wi-Fi можна будзе з дапамогай картак доступу. Пакуль яны выпушчаны ў двух наміналах: 60 хвілін і 180 хвілін. Карткі Wi-Fi абодвух наміналаў можна набыць у сэрвісных пунктах, пунктах калектыўнага карыстання і сэрвісных цэнтрах "Белтэлекама". Кошт карткі наміналам 60 хвілін складае 1.600 рублёў, наміналам 180 хвілін — 4.000 рублёў. Для доступу ў інтэрнет неабходна сцерці ахоўны слой, пад якім указаны логін і пароль для аўтарызацыі.
Доступ у інтэрнет з дапамогай картак ажыццяўляецца ў зоне дзеяння пунктаў Wi-Fi "Белтэлекама". Хуткасць перадачы звестак залежыць ад колькасці карыстальнікаў, што знаходзяцца ў зоне дзеяння аднаго хотспота. Гэта абумоўлена асаблівасцямі тэхналогіі, якая размяркоўвае хуткасць падключэння Wi-Fi-пункта кратнае колькасці карыстальнікаў, аўтарызаваных у зоне яе пакрыцця.
Wireless Fidelity (Wi-Fi) — сучасная бесправадная тэхналогія падключэння камп'ютэраў да інтэрнета, заснаваная на выкарыстанні радыёхваляў. Wi-Fi-доступам могуць карыстацца ўладальнікі ноўтбука і кішэннага персанальнага камп'ютэра, веб-камеры і бесправаднога IP-тэлефона, аснашчаных адпаведным модулем. Тэхналогія Wi-Fi шырока выкарыстоўваецца для арганізацыі бесправаднога доступу да інтэрнета ў грамадскіх месцах: у кафэ, на вакзалах, у аэрапортах, на вуліцах.
Цяпер чытаюць
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца4
Каментары