Камітэт Вярхоўнай рады Украіны па пытаннях нацыянальнай бяспекі выключыў са свайго складу дэпутата Надзею Саўчанка, пасля таго, як яна апублікавала спіс украінскіх вайскоўцаў, якія знаходзяцца ў палоне ва ўзброеных фарміраванняў на ўсходзе краіны, паведамляе ВВС.
У сваім рашэнні камітэт адзначыў, што прымае яго з мэтай не дапусціць далейшага выдавання інфармацыі, якая адносіцца да дзяржаўнай таямніцы. Камітэт таксама паабяцаў звярнуцца ў пракуратуру, каб тая праверыла, ці нельга лічыць дзеянні Саўчанка дзяржздрадай.
Сама Саўчанка адмовілася лічыць іх такімі і заявіла, што не парушала ўкраінскіх законаў і ўмее захоўваць дзяржаўную таямніцу. Яна таксама паабяцала і далей наведваць пасяджэнні камітэта, нягледзячы на выключэнне з яго складу.
Цяпер чытаюць
Скандал у полацкай школе: маці сцвярджае, што яе сына збілі на трэніроўцы па дзюдо — так хлопца «выхоўваў» трэнер2
Каментары