Міжваенныя гісторыкі не памыляліся, археолагі пацвердзілі іх гіпотэзы.
Падчас работ па добраўпарадкаванні пляцоўкі на гары Гедыміна ў Вільні археолагі знайшлі парэшткі чатырох чалавек, паведамляе Delfi.
Ёсць здагадка, што гэта могуць быць парэшткі ўдзельнікаў паўстання 1863—1864 гадоў.
«Падчас даследаванняў мы выявілі пахаванні пяці чалавек, але цалкам адкрылі і даследавалі два. У першым пахаванні мы знайшлі парэшткі аднаго чалавека, а другое пахаванне — групавое, у ім знойдзеныя парэшткі трох чалавек», — сцвярджае ў прэс-рэлізе старшы навуковы супрацоўнік аддзела Сярэдніх вякоў і Новага часу Нацыянальнага музея Літвы, археолаг Арунас Калеюс.
Па словах археолага, парэшткі былі пахаваныя са звязанымі за спінай рукамі, без трунаў, яны былі засыпаныя вапнай.
Побач з парэшткамі аднаго з пахаваных знойдзены срэбны медальён, які быў выраблены ў сярэдзіне XIX стагоддзя. Гэтая знаходка дазваляе археолагам вылучыць гіпотэзу, што пахаванні зробленыя не раней за другую палову XIX стагоддзя. Архіўныя дакументы паказваюць, што гэтыя парэшткі ўжо былі знойдзеныя ў 1915—1916 гадах.
Таму зробленая здагадка, што гэта могуць быць парэшткі ўдзельнікаў паўстання супраць царскіх уладаў Расіі 1863—1864 гадоў, пакараных смерцю ў Вільні, на Лукішкскай плошчы.
У 1863—1864 гадах на Лукішкскай плошчы быў пакараны праз павешанне або расстраляны 21 удзельнік паўстання, у тым ліку і лідары паўстанцаў — Зыгмунт Серакоўскі і Кастусь Каліноўскі.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары