Арганізацыя Аб'яднаных Нацый абвясціла аб голадзе ў некалькіх раёнах Паўднёвага Судана. Паводле даных Сусветнай харчовай праграмы ААН, амаль 100 тысяч жыхароў краіны могуць загінуць у бліжэйшы час, калі ў краіну не паступіць дастатковы аб'ём гуманітарнай дапамогі, піша ВВС.
Каля мільёна жыхароў Паўднёвага Судана знаходзяцца на мяжы голаду: з іх, паводле даных ЮНІСЕФ, больш за 250 тысяч дзяцей. Усяго ад недаядання ў Паўднёвым Судане пакутуе 40% насельніцтва краіны, або 4,9 млн чалавек.
ААН упершыню за апошнія шэсць гадоў аб'яўляе аб сітуацыі масавага голаду.
Аб'ява аб голадзе ў пэўнай краіне ці рэгіёне можа быць зробленая, калі па меншай меры 20% сем'яў пакутуюць ад моцнага недаядання і ніяк самастойна не могуць вырашыць гэтую праблему, або калі 30% насельніцтва пакутуюць ад вострага недаядання, а ад голаду памірае як мінімум два чалавекі ў дзень на кожныя 10 тысяч насельніцтва.
Найбольш складаная сітуацыя з харчаваннем стварылася ў правінцыі Вахда (Юніці) на поўначы краіны. Як падкрэсліваюць прадстаўнікі Сусветнай харчовай праграмы ААН, нягледзячы на намаганні гуманітарных арганізацый, прадуктаў харчавання, якія пастаўляюцца ў Паўднёвы Судан, не хапае для таго, каб дапамагчы ўсім галадаючым у найбольш пацярпелых рэгіёнах.
Эканамічная сітуацыя ў Паўднёвым Судане, які з 2013 года знаходзіцца ў стане грамадзянскай вайны паміж уладамі на чале з прэзідэнтам Сальва Кіірам, якія прадстаўляюць народнасць дзінка, і апазіцыяй, пагаршаецца на працягу некалькіх гадоў. У ходзе ўзброенага канфлікту ў рэгіёне загінулі тысячы чалавек, яшчэ больш за двух мільёнаў сталі змушанымі перасяленцамі.
Паўднёвы Судан абвясціў незалежнасць ў 2011 годзе. У 1998 годзе, калі краіна яшчэ змагалася за незалежнасць ад Судана, ад голаду на тэрыторыі сучаснага Паўднёвага Судана памерлі, па розных звестках, ад 70 да некалькіх сотняў тысяч жыхароў.
Былы генеральны сакратар ААН Пан Гі Мун раней выказваў асцярогі з нагоды магчымага генацыду ў краіне.
-
Францыя, Германія і Вялікабрытанія папярэдзілі Іран пра магчымасць ваеннага ўмяшання
-
У Тэхасе мужчына расстраляў натоўп каля бара. СМІ звязваюць гэта з амерыканскімі ўдарамі па Іране
-
ЗША пацвердзілі выкарыстанне стэлс-бамбардзіроўшчыкаў B-2 для ўдараў па Іране. Яны выканалі беспасадачны пералёт праз палову свету з базы ў Місуры
У Познані гінеколаг выдаліў 24‑гадовай беларусцы матку і яечнікі без яе згоды. Яму пагражае да 20 гадоў турмы12
Каментары