Ужо два тыдні замежныя турысты могуць прыязджаць у Беларусь на 5 дзён без візы. Усе яны прылятаюць у Нацыянальны аэрапорт, а вартавыя парадку сочаць за тым, каб замежнікі не парушылі тэрміны знаходжання ў краіне, паведамляе tut.by.
«За гэты перыяд мы зафіксавалі некалькі парушэнняў, гаворка не ідзе аб дзясятках, іх не больш за пяць. Якія гэта парушэнні? 2-3 чалавекі парушылі тэрміны знаходжання на нашай тэрыторыі, і 1-2 выпадкі, калі турысты ехалі ў РФ, маючы візы РФ, але да нас заехалі без яе. Вось якая статыстыка. І вы самі разумееце, што яна ніяк не ўплывае на правапарадак дзяржавы. Асаблівых намаганняў або сродкаў мы не выкарыстоўваем у гэтай галіне, усё досыць гарманічна і без заган працуе», — кажа міністр унутраных спраў Ігар Шуневіч.
У міліцыі не прагназуюць, што з увядзеннем бязвізавага рэжыму павялічыцца ўзровень злачыннасці. Калі глядзець на лічбы, замежнікі здзяйсняюць усяго 1,4−1,7% злачынстваў ад агульнай колькасці.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5555
Каментары