Імянныя прыватызацыйныя чэкі «Жыллё» праіндэксаваныя рашэннем Мінгарвыканкама ад 23 лютага 2017 года №690, апублікаваным сёння на Нацыянальным прававым інтэрнэт-партале.
Індэкс росту кошту будаўніцтва жылля ў параўнанні з яго коштам на 31 снежня 1991 года для індэксацыі чэкаў «Жыллё» ўстаноўлены ў памеры 15,247.
Гаворка ідзе аб выкарыстанні чэкаў «Жыллё» грамадзянамі і членамі іх сем'яў, якія стаяць на ўліку маючых патрэбу ў паляпшэнні жыллёвых умоў, для выплаты паявога ўзносу ў жыллёвым або жыллёва-будаўнічым кааператыве, фінансавання індывідуальнага або калектыўнага жыллёвага будаўніцтва, рэканструкцыі аднакватэрных, блакаваных жылых дамоў, долевага ўдзелу ў жыллёвым будаўніцтве, набыцця жылля шляхам куплі, а таксама для пагашэння запазычанасці па крэдытах банкаў (уключаючы выплату працэнтаў за карыстанне імі) і пазыках юрыдычных асоб, узятых і выкарыстаных на гэтыя мэты.
Папярэдняе рашэнне Мінгарвыканкама №3561 па чэках «Жыллё» было прынятае 1 снежня 2016 года і прызнанае страціўшым сілу. Індэкс росту кошту будаўніцтва жылля для індэксацыі чэкаў тады ўстанаўліваўся ў памеры 17,729.
Індэкс росту кошту чэкаў «Жыллё» разлічваецца на падставе статыстыкі аб сярэднім кошце 1 кв. м агульнай плошчы жылля, што будуецца з дзяржпадтрымкай, у параўнанні з коштам яго будаўніцтва на 31 снежня 1991 года і зацвярджаецца аблвыканкамамі і Мінгарвыканкамам.
Дакумент уступае ў сілу пасля яго афіцыйнага апублікавання.
Каментары