На парламенцкіх выбарах у Нідэрландах лідзіруе праваліберальная Народная партыя за свабоду і дэмакратыю, якую ўзначальвае прэм'ер-міністр краіны Марк Рутэ. Пасля апрацоўкі больш чым 90 працэнтаў бюлетэняў яе вынік складае 21,2% галасоў, паведамляе агенцтва dpa.
Такі вынік дазволіць партыі Рутэ атрымаць у парламенце краіны 33 дэпутацкія месцы. Правапапулісцкая Партыя свабоды на чале з Гертам Вілдэрсам набірае ўсяго 13,1% галасоў, што дазваляе ёй атрымаць 20 дэпутацкіх мандатаў з 150.
Менавіта на перамогу Вілдэрса рабіла стаўку Масква. Гэта нідэрландскі аналаг французскага Нацыянальнага фронту і нямецкай «Альтэрнатывы для Германіі».
Па 19 месцаў у парламенце могуць заняць прадстаўнікі леваліберальнай партыі «Дэмакраты-66» і «Хрысціянска-дэмакратычнага прызыву», піша Dw.de
Для фарміравання кіруючай кааліцыі Рутэ неабходна заручыцца падтрымкай 76 дэпутатаў. Напярэдадні галасавання ён падкрэсліў, што імавернасці саюза яго партыі з Вілдэрсам раўняецца нулю.
Перамогу Рутэ прывіталі ў Германіі і Францыі. «Нідэрланды! Нідэрланды! Вы — чэмпіёны! … Віншую з цудоўным вынікам выбараў», — напісаў у Твітары кіраўнік апарата канцлеркі Германіі Ангелы Меркель Петэр Альтмаер.
«Віншую галандцаў, перашкодзілі ўздыму крайне правых», — напісаў у сваім мікраблогу кіраўнік МЗС Францыі Жан-Жак Эйро.
Вілдэрс, натхнёны поспехам Дональда Трампа ў ЗША, актыўна выкарыстаў у ходзе кампаніі антыімігранцкія і антыісламскія лозунгі і рэзка нападаў на мараканскую і турэцкую дыяспары Нідэрландаў. Але за гэтай рыторыкай стаяла перадусім жаданне разваліць Еўрасаюз.
Друкуецца ў межах спецыяльнай рубрыкі «Навіны Германіі»
Цяпер чытаюць
Вясковец з-пад Бабруйска імітаваў сваю смерць, каб не плаціць пазыкі, а пасля загінуў на вайне за Расію2
Вясковец з-пад Бабруйска імітаваў сваю смерць, каб не плаціць пазыкі, а пасля загінуў на вайне за Расію
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары