Усе найбуйнейшыя беларускія бізнэсы ў Літве скарацілі падатковыя адлічэнні ў бюджэт
Кампаніі з беларускімі ўласнікамі, якія ўваходзяць у топ-500 найбуйнейшых падаткаплацельшчыкаў Літвы, заўважна скарацілі па выніках 2025 года сумы плацяжоў у бюджэт гэтай краіны. Адпаведныя звесткі, якія вывучыла выданне Thinkthanks.pro, апублікавала Дзяржаўная падатковая інспекцыя (VMI) пры Міністэрстве фінансаў Літвы.
Як і па выніках 2024 года, у топ-500 за мінулы год апынуліся чатыры кампаніі, якія маюць беларускіх уласнікаў.
Гэта тры IT-бізнэсы, два з якіх (Epam sistemos і Wargaming Vilnius) увайшлі ў першую пяцёрку найбуйнейшых падаткаплацельшчыкаў у сваёй галіне. І яшчэ адно мясаперапрацоўчае прадпрыемства — Krekenavos agrofirma з Кейданскага раёна. Яго саўладальніцай з'яўляецца грамадзянка Беларусі Юлія Успаскіх-Круцікава.
Усе кампаніі з беларускімі каранямі здалі пазіцыі ў рэйтынгу:
- Epam sistemos («дачка» аднаго з сусветных IT-лідараў) перамясцілася з 72‑га месца ў 2024 годзе на 97‑ы радок у 2025-м;
- Wargaming Vilnius — з 109‑га на 128-е;
- Krekenavos agrofirma — з 119‑га на 200-е;
- Gurtam — з 262‑га на 317-е.
У 2025 годзе гэтая чацвёрка заплаціла больш чым на 15% менш падаткаў, чым годам раней. Калі ў 2024 годзе сукупная сума пералічаных гэтымі кампаніямі грошай складала 49,7 мільёна еўра, то ў 2025 годзе — ужо 43,1 мільёна еўра.
Вось як скарацілі плацяжы гэтыя кампаніі летась:
- Epam sistemos: з 17,8 мільёна да 15,9 мільёна еўра;
- Wargaming Vilnius: з 13,3 мільёна да 12,5 мільёнаў;
- Krekenavos agrofirma: з 12,3 мільёна да 8,6 мільёна;
- Gurtam: з 6,3 мільёна да 6,0 мільёна.
Праўда, у той жа час заўважна скараціліся (больш чым на 20%) падатковыя пералічэнні і з галоўнай крыніцы літоўскага бюджэту — холдынгу Orlen Lietuva. У 2025 годзе Orlen Lietuva заплаціла 415,6 мільёна еўра падаткаў, тады як годам раней гэтая сума складала 522,9 мільёна еўра.
Першая пяцёрка найбуйнейшых падаткаплацельшчыкаў Літвы:
- Orlen Lietuva — 415,6 мільёна еўра;
- Circle K Lietuva — 375,0 мільёна еўра;
- Okseta — 356,7 мільёна еўра;
- Philip Morris Baltic — 288,6 мільёна еўра;
- KN Energies — 287,4 мільёна еўра.
Як адкрыццё мяжы з Польшчай паўплывала на жыццё ў рэгіёне? Пагутарылі з гродзенцамі пра паездкі на закупы, падарожжы і чаўнакоў
Памятаеце беларуску, якая жыла і вяла бізнэс у Літве, але ненавідзела краіну? Даведаліся, што з фанаткай Лукашэнкі цяпер
«Мы цалкам разумеем, якая там дзяржава». Літоўскія перавозчыкі не збіраюцца падаваць пазовы ў беларускія суды праз затрыманыя фуры
Беларуская IT-кампанія адправіла літоўскі экіпаж на ралі «Дакар-2025»
Vinted: у Літве вырас аднарог, якому сённяшні беларускі IT можа толькі пазайздросціць
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося2
Каментары