Былы прэзідэнт Егіпта Хосні Мубарак адправіўся дадому пасля шасці гадоў зняволення, паведаміў яго адвакат. Апошнія пяць гадоў зрынуты прэзідэнт знаходзіўся ў вайсковым шпіталі ў Каіры з-за праблем са здароўем, у суд яго дастаўлялі на верталёце, паведамляе ВВС.
Па словах яго адваката, цяпер экс-прэзідэнт з'ехаў з шпіталя і адправіўся дадому, у Геліяполіс.
2 сакавіка Вышэйшы апеляцыйны суд у Егіпце апраўдаў Мубарака па справе аб забойстве дэманстрантаў у 2011 годзе, калі пратэстныя акцыі прывялі да адстаўкі ўрада і прэзідэнта, нягледзячы на масавыя арышты і ўвод войскаў у гарады. Паводле даных ААН, у выніку сутыкнення сілавікоў і пратэстоўцаў загінула каля 300 чалавек.
Хосні Мубарак у 2012 годзе атрымаў пажыццёвы тэрмін, бо суд прызнаў яго адказным за расстрэл мірных дэманстрантаў вайскоўцамі. Аднак былы прэзідэнт абскардзіў прысуд, і ў 2014 годзе рашэнне было адмененае. У адказ ужо пракуратура падала ў вышэйшы суд скаргу, але суд адхіліў яе, і рашэнне аб апраўданні Мубарака ўступіла ў сілу.
Мубараку 88 гадоў, ён займаў пасаду прэзідэнта Егіпта з 1981 па 2011 гады. Ён вымушаны быў сысці ў адстаўку на фоне масавых акцый пратэсту ў краіне, якія пачаліся зімой 2011 года. Пратэстоўцы патрабавалі адстаўкі прэзідэнта і эканамічных рэформаў у краіне.
Пасля адстаўкі Мубарака і ўрада да ўлады прыйшоў часовы ўрад. У 2012 годзе прайшлі прэзідэнцкія выбары, на якіх перамог кандыдат ад «Братоў-мусульман» Махамед Мурсі.
Побач з Лукашэнкам на хакеі з'явілася новая прыгажуня10
Каментары