Facebook дадае новыя функцыі, якія нагадваюць Snapchat
Сацсетка Facebook даволі актыўна адрэагавала на рост папулярнасці мабільнага дадатка Snapchat, які спецыялізуецца на маментальных фота і відэаздымках. Facebook пачаў дадаваць новыя функцыі, якія з’яўляюцца асноўнай адметнасцю Snapchat.
Спачатку ў Instagram (належыць Facebook) з’явіўся раздзел «Гісторыі Instagram», які дазваляе складаць некалькі фота ў кароткае апавяданне. Фактычна, менавіта гэтая функцыя зрабіла Snapchat папулярным.
Але з пачатку гэтага тыдня функцыі, якія ёсць у Snapchat, даступныя і ў самім Facebook.
1. Facebook Camera Effects (аналаг Snapchat Filters) уяўляе сабой набор масак, інтэрактыўных фільтраў і рамак, якія можна дадаваць да фотаздымкаў. Адметна тое, што новая функцыя створана на аснове беларускага сервісу MSQRD, які быў інтэграваны ў Facebook.
Вялікая колькасць забаўляльных і легкадумных фільтраў Snapchat зрабіла гэты сервіс папулярным сярод падлеткаў, якім падабаецца падобны від зносін.
2. Facebook Direct (аналаг Snapchat Snaps) дазваляе дзяліцца з сябрамі фотаздымкамі і відэа, якія знікаюць. Атрымальнік фота праглядае яго і піша свой адказ, пасля чаго арыгінальны фотаздымак знікае.
3. Facebook Stories (аналаг Snapchat Stories) дазваляе дадаваць фота і відэа, якія знікаюць праз 24 гадзіны. Кампанія Facebook дадала гэтую функцыю ў Instagram яшчэ летась у жніўні, а зараз яна даступная і ў стужцы Facebook.
Праз дзень пасля з’яўлення новых функцый у Facebook стала вядома, што акцыі Snapchat абваліліся на 7%.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым5
Каментары