26 красавіка ў Беларусь прыйшло арктычнае паветра, якое прынесла з сабой снег, завірухі і моцны вецер. У заходніх і паўднёвых рэгіёнах краіны дажджы змяніліся мокрым снегам.
Кадры з розных гарадоў Беларусі — Гродна, Нясвіжа, Слуцка — больш нагадваюць студзень, чым канец красавіка.
Вецер набірае моц — парывы дасягаюць 15—20 м/с, а на метэастанцыі «Палеская» зафіксавана 20 м/с. На паўднёвым захадзе краіны вецер можа ўзмацніцца да небяспечных 25 м/с.
У Брэсце вецер знёс Варшаўскі рынак.
Днём па краіне чакаецца ад +4°С да +10°С. Пры гэтым надвор'е застаецца няўстойлівым: акрамя снегу, на фоне халоднага фронту магчымыя нават лакальныя навальніцы.
Зона ападкаў працягвае рухацца на паўднёвы ўсход. Вадзіцелям варта быць вельмі асцярожнымі: спалучэнне моцнага ветру і дрэннай бачнасці робіць паездкі на летняй гуме асабліва небяспечнымі.
Музыка Цім Суладзэ: Розніца 30 гадоў — тое, што адпавядае маім уяўленням пра адносіны41
Каментары