Адзін дзень пратрымалася ў мінскім метро рэклама канцэрта Лявона Вольскага 8 мая ў Вільні — у пятніцу 31 сакавіка яе размясцілі на ўваходзе на станцыю «Кастрычніцкая», у суботу, 1 красавіка ў канцы дня яе ўжо не было.
«Рэклама была разьмешчана па ўсіх правілах — папярэдняе ўзгадненне макета і 100% перадаплата за два тыдні. Але ўвечары 1 красавіка яе ўжо не было. Аналагічная сітуацыя з другім шчытом на станцыі «Няміга». З пункту гледжання логікі сітуацыя абсурдная. Мы будзем дамагацца тлумачэньняў», — распавёў арганізатар канцэрта Зміцер Каспяровіч.
Сам канцэрт адбудзецца 8 мая ў віленскім клубе Vakaris Vilnius. Арганізатары абяцаюць, што 50 чалавек, якія адсядзелі 10 і больш сутак за Дзень Волі, змогуць трапіць на канцэрт бясплатна.
Каментары