Была спыненая карупцыйная дзейнасць генеральнага дырэктара прадпрыемства «Івацэвічдрэў», перадае БЕЛТА са спасылкай на КДБ.
Выяўлена, што Уладзімір Шульга з карыслівых мэтаў стварыў злачынную схему па дастаўцы на «Івацэвічдрэў» імпартнай сыравіны па завышаных цэнах праз падкантрольныя замежныя кампаніі.
З 2014 года асноўнымі пастаўшчыкамі меланіну для прадпрыемства выступалі шатландская і літоўская кампаніі. Было выяўлена, што іх уладальнікам з'яўляецца сын Уладзіміра Шульгі, а таксама блізкая знаёмая сына Непляховіч А. В. Дадзеныя кампаніі куплялі меланін у кітайскіх вытворцаў па цане ад 750 да 800 даляраў за адну тону, а збывалі прадпрыемству па цане ад 1350 да 1400 еўра за адну тону. У выніку «Івацэвічдрэў» панёс страты ў памеры больш за 220 тысяч еўра.
Фігурантаў гэтай справы затрымалі. У дачыненні да іх была распачатая крымінальная справа па частцы 3 артыкула 424 Крымінальнага кодэкса Рэспублікі Беларусь.
Каментары