«Наша ніва» пісала гісторыю натарыуса, якую шпіталізавалі праз праблемы з псіхікай. Адзін з прысутных на месцы падзей рабіў спробу перашкодзіць працы журналіста.
Як выявілася, гэта быў Артур Стрэх — былы прэс-сакратар КДБ, які займаў пасаду да прызначэння Дзмітрыя Пабяржына.
Як вынікае з інфармацыі на сайце Беларускай натарыяльнай палаты, цяпер Стрэх займае там пасаду памочніка старшыні і, адначасова, адказнага па сувязях з грамадскасцю.
Таксама ён няблага гуляе ў настольны хакей на міжнародных турнірах натарыусаў.
Як склаліся лёсы ранейшых прэс-сакратароў спецслужбы?
Яшчэ адзін былы прэс-сакратар Аляксандр Базанаў паспеў пабыць кіраўніком Інфармацыйна-аналітычнага цэнтры пры Адміністрацыі прэзідэнта, а цяпер «каардынуе работу па ўзаемадзенні з органамі дзяржаўнага кіравання» у «Белтэлекаме», а таксама адказвае за стварэнне станоўчага іміджа гэтага прадпрыемства.
Але калі вышэйпералічаныя былыя КДБісты займаюць не вельмі публічныя пасады, то адзін з іх экс-калег, Андрэй Качура, пайшоў у журналістыку.
Пасля працы ў прэс-групе ўпраўлення КДБ па Мінску і Мінскай вобласці ён узначаліў карэспандэнцкі пункт тэлеканала «Расія» ў Мінску. А цяпер займае пост кіраўніка беларускай службы расійскага інфармацыйнага агенцтва «Спутнік» і перыядычна вядзе там уласныя перадачы.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам29
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары