Канадца Рычарда Бэла, які ляцеў бізнэс-класам авіякампаніі United Airlines з амерыканскага Х'юстана ў канадскі Калгары, ў палёце падчас ланчу уджаліў скарпіён, піша ВВС.
Як распавёў пацярпелы, атрутнае павукападобнае ўпала яму на галаву з адсека для ручной паклажы, пасля чаго ён паклаў скарпіёна перад сабой на адкідны столік, і той уджаліў яго.
Авіякампанія прапанавала кампенсацыю Бэлу, які ляцеў у Калгары са сваёй жонкай Ліндай.
Інцыдэнт адбыўся ў нядзелю, але вядома пра гэта стала толькі цяпер.
«Пакуль я еў, нешта ўпала мне на валасы. Гэтае нешта аказалася скарпіёнам. Я трымаў яго за хвост, і ён не мог мяне ўкусіць. Але я выпусціў яго на талерку, і калі сабраўся схапіць яго зноў, ён стукнуў мяне хвастом. На шчасце, удар у асноўным прыйшоўся на пазногаць», — сказаў Бэл.
Пасля гэтага пасажыр змахнуў агрэсіўнае членістаногае на падлогу, сцюард накрыў яго кубкам, а затым змыў ва ўнітаз. Медсястра, якая ляцела тым жа рэйсам, дала Бэлу абязбольвальнае.
Па прызямленні ў Калгары мужчыну адвезлі ў бальніцу, дзе лекары сказалі, што яго жыццю нішто не пагражае. Праз некалькі гадзін яго выпісалі.
Па словах Бэла, у яго няма намераў падаваць на United Airlines ў суд.
Інцыдэнт са скарпіёнам адбыўся ў разгар скандалу з гвалтоўным выгнаннем пасажыра з борта самалёта United Airlines.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары