13 красавіка ў Мінску быў затрыманы 30-гадовы жыхар Магілёва. Паводле папярэдняй інфармацыі, у гэты дзень мужчына прыехаў зрабіць у Мінску чарговыя закладкі з псіхатропным рэчывам.
«Пасля высветлілася, што працаваў мужчына разам са сваёй жонкай на інтэрнэт-краме, якая займаецца распаўсюджваннем псіхатропаў. Жонка, 31-гадовая магіляўчанка таксама затрыманая. Сямейная пара наладзіла збыт псіхатропных рэчываў у Магілёве і Мінску шляхам схованак-закладак. Акрамя гэтага самастойна дома рыхтавалі курыльныя сумесі», - паведамляе прэс-служба ГУУС Мінгарвыканкама.
Закладкі па Мінску і Магілёву рабіў муж. Потым паведамляў жонцы месца схованак, яна звязвалася з дробнымі аптавікамі, тыя, у сваю чаргу, распаўсюджвалі «тавар» сярод кліентаў. Працавала такім чынам сямейная пара некалькі месяцаў.
Агульнай масай ў мужа і жонкі канфіскавана каля двух кілаграмаў рэчываў, якія маюць у складзе псіхатропныя кампаненты, а таксама каля 670 грамаў курыльнай сумесі.
У ходзе ператрусу іх месца жыхарства ў Магілёве міліцыянты выявілі прадметы, якія выкарыстоўваліся як лабараторная посуд, дзве рэспіраторныя маскі, гумовыя пальчаткі, электронныя шалі, фасовачныя пакеты.
За незаконныя дзеянні з псіхатропнымі рэчывамі ў дачыненні да жыхароў Магілёва распачата крымінальная справа, сямейнай пары пагражае пазбаўленне волі аж да 15 гадоў. Пры гэтым, дома ў іх засталіся малалетнія дзеці - малодшаму з іх тры гады.
Каментары