У беларускіх кінатэатрах на Новы год замест «Аватара 3» пакажуць «Прастаквашына»
Блокбастэр Джэймса Кэмерона «Аватар 3» з 17—19 снежня ўжо ідзе ў краінах Еўропы, Азіі і Паўночнай Амерыкі. У Беларусі яго прэм’ера была запланаваная на 27 снежня, але расійскія дыстрыб’ютары перанеслі яе на 8 студзеня — адначасова з паказам у Расіі, паведамляе тэлеграм-канал «Свяшчэнны Белавуд».
У Расіі гэта звязана з ідэалагічнымі прычынамі: у святочныя дні паказваюць уласны кантэнт, каб ён меў магчымасць зарабіць. Гэта расійскія казкі і мультфільмы: «Царэўна-жаба», «Прастаквашына», «Чабурашка 2».
У Беларусі ж прычына затрымкі ў тым, што пракатчыкі не могуць самастойна закупіць копіі фільма — без рашэння з Расіі нічога зрабіць немагчыма.
Пры гэтым з восені 2022 года ў Беларусі легальна паказваюць пірацкі кантэнт.
Каментары