Рыжанкоў назваў 16 відаў спорту, якія ўвойдуць у праграму Еўрапейскіх гульняў — 2019 у Мінску
Першы намеснік кіраўніка Адміністрацыі прэзідэнта Беларусі, першы віцэ-прэзідэнт Нацыянальнага алімпійскага камітэта Максім Рыжанкоў назваў 16 відаў спорту, якія дакладна ўвойдуць у праграму Еўрапейскіх гульняў 2019, паведамляе Tribuna.com.
- На сёння ёсць кансенсус па гімнастыцы (спартыўнай, мастацкай, акрабатыцы), па трох відах барацьбы, дзюдо, самба, па веславанні на байдарках, настольным тэнісе, хутчэй за ўсё будуць бадмінтон, стэндавая і кулявая стральба. З гульнявых відаў спорту будзе баскетбол 3x3, пляжны валейбол, пляжны футбол. Гэта тыя віды, па якіх дасягнуты кансэнсус, — сказаў Максім Рыжанкоў ў праграме «Арэна» на канале «Беларусь 1».
Канчатковы спіс відаў спорту будзе зацверджаны ў маі гэтага года.
Да гэтага часу няясная сітуацыя з лёгкай атлетыкай, хоць у канцы студзеня генеральны сакратар НАК Анатоль Котаў запэўніваў, што гэты від спорту будзе ўключаны ў праграму II Еўрапейскіх гульняў.
Праблемы з уключэннем лёгкай атлетыкі ў праграму Еўрагульняў-2019 у Мінску могуць паўстаць у сувязі з тым, што ў гэты ж год, з 28 верасня па 6 кастрычніка, у Катары пройдзе чэмпіянат свету.
Цяпер чытаюць
«Жэня пагадзіўся на будоўлю, а не ваяваць. І толькі калі выйдзе з запою!»: як прадалі ў расійскую армію жыхара Лёзна. Ахвяра не адна7
Каментары