Халестэрын — рэчыва, неабходнае арганізму для стварэння здаровых клетак, некаторых гармонаў, клеткавых мембран, вітаміну D, жоўцевых кіслот і іншых функцый. Але для ўсіх гэтых працэсаў патрэбная абмежаваная колькасць халестэрыну. Калі ж ён перавышае норму, узрастае рызыка развіцця многіх сардэчных захворванняў, піша «Сегодня».
Здаровая дыета
Першае, што неабходна зрабіць, — перагледзець свае звычкі ў харчаванні.
Чаму варта сказаць «не»? Прадуктам з высокім утрыманнем насычаных і транстлушчаў. Яны прыводзяць да зніжэння ЛПВШ (добрага халестэрыну), тым самым істотна павялічваючы рызыку сардэчных захворванняў.
Чаму гаворым «так»? Прадуктам, якія змяшчаюць клятчатку. Яна дзейнічае нібы губка ў арганізме, паглынаючы дрэнны халестэрын. Крыніцы — садавіна, гародніна і цэльназернявыя прадукты. Нельга ігнараваць здаровыя (монаненасычаныя і поліненасычаныя) тлушчы. Іх вы знойдзеце ў арэхах, міндальным і рапсавым алеі, насенні кунжуту і лёну.
Вельмі карыснымі ў зніжэнні ўзроўню дрэннага халестэрыну з'яўляюцца прадукты, багатыя Амега-3 тлустымі кіслотамі. Яны ўтрымліваюцца ў тлустай рыбе (ласось, тунец і сардзіны).
Актыўнасць — залог здароўя
Нават простыя практыкаванні, напрыклад хуткая хада, шмат зробіць ва ўрэгуляванні ўзроўню халестэрыну. У фізічна актыўных людзей добрага халестэрыну больш прыблізна на пяць працэнтаў у параўнанні з прыхільнікамі сядзячага ладу жыцця.
Адмоўцеся ад шкодных звычак
Калі вы хочаце знізіць халестэрын без лекаў, то варта паменшыць спажыванне алкаголю. Будзьце пільныя адносна колькасці. Другі віноўнік анамальна высокага ўзроўню халестэрыну ў большасці людзей — курэнне. Гэтая шкодная звычка садзейнічае зніжэнню ўзроўню добрага халестэрыну і значна павялічвае рызыкі такіх захворванняў, як дыябет і гіпертанія. Спецыялісты высветлілі: калі чалавек кідае курыць, яго добры халестэрын павялічваецца.
Гэта ўсім даступныя спосабы паляпшэння здароўя. Простая змена звычак і ладу жыцця дапаможа не толькі знізіць халестэрын, але і палепшыць агульнае самаадчуванне.
Як спыніць выпадзенне валасоў пасля кавіду?
Чаму менеджары-міленіялы выгараюць на працы хутчэй за іншых?
-
Жонка дырэктара ЕРАМ, грошы на змаганне з анкалогіяй для якой збіралі ўсім светам, увайшла ў рэмісію
-
У адным з рэгіёнаў Беларусі ўспышка небяспечнага віруса — як абараніцца
-
26‑гадовая цяжарная ў Дзяржынску памерла праз беларускі антыбіётык, які раней ужо забаранялі — бо ад яго загінула некалькі жанчын
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары