Былы дэпутат Марыя Максакава, удава былога дэпутата Дзярждумы Дзяніса Вараненкава, дала інтэрв'ю ўкраінскаму тэлеканалу ZIK. У ім яна распавяла пра тое, што напярэдадні забойства Вараненкава супрацоўнікі ФСБ выкралі з тэрыторыі Беларусі іх кіроўцу. Яна таксама звярнулася да кіраўніка Беларусі Аляксандра Лукашэнкі з просьбай правесці расследаванне.
«Едзе наш кіроўца напярэдадні, перасякае мяжу Беларусі… На блокпосце Гомеля спыняюць кіроўцу і туды выклікаюцца нібыта памежнікі. А на самай справе прыязджае два аўтобусы з эфэсбэшнікамі, нашага кіроўцу крадуць. Можна звярнуцца ў эфіры да прэзідэнта Лукашэнкі і папрасіць, я нават дам ўсе звесткі — хто гэтыя людзі, прозвішчы назаву, хто гэта зрабіў. Яны захапілі чалавека з тэрыторыі Беларусі і канваіравалі ў Бранскую вобласць, там яго дапытвалі на працягу 12 гадзін, пазбавілі сувязі, не кармілі, не давалі спаць, задавалі мноства пытанняў», — заявіла Максакава <…> — Яны з тэрыторыі іншай дзяржавы крадуць кіроўцу. Хтосьці будзе расследаваць з беларусаў, як гэта адбываецца ў іх?» — сказала Максакава.
Былога дэпутата Дзярждумы Дзяніса Вараненкава забілі 23 сакавіка ў цэнтры Кіева. Расследаваннем справы аб яго забойстве заняліся праваахоўныя органы ва Украіне і ў Расіі. Пакуль версій аб яго забойства ня вылучалася.
У лістападзе мінулага года ён разам з жонкай Марыяй Максакавай збег з Расіі ва Украіну. У снежні ён атрымаў украінскае грамадзянства і пацвердзіў, што даў паказанні па справе былога прэзідэнта Украіны Віктара Януковіча. Акрамя таго, ён распавёў, што памочнік прэзідэнта Уладзіслаў Суркоў быў супраць далучэння Крыма да Расіі.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары