Кампанія Everest Link усталявала на гары Эверэст пункты доступу Wi-Fi, паведамляе VentureBeat.
Каля 200 пунктаў Wi-Fi забяспечваюць інтэрнэтам больш за 40 вёсак, дзе жыве 34 тысячы мясцовых жыхароў. Кожны год тут бывае больш за 40 тысяч турыстаў.
Генеральны дырэктар Everest Link Цэрынг Шэрпа распавёў, што да 2000 года адзіным сродкам сувязі з гэтай мясцовасцю былі лісты, якія ў лепшым выпадку дастаўляліся верталётам. Сітуацыя ўскладнялася ўнутрыпалітычнай нестабільнасцю, што не дазваляла правесці інтэрнэт у высакагорныя раёны Непала. Але ў 2014 годзе праект пачаў рэалізоўвацца.
Для стварэння Wi-Fi-сеткі неабходна было не толькі знайсці спецыялістаў па тэлекамунікацыях, але і навучыць іх навыкам выжывання ў высакагорнай мясцовасці. Яшчэ адной праблемай было электрасілкаванне абсталявання сувязі, таму Everest Link усталявалі сонечныя панэлі. Усё абсталяванне дастаўлялася людзьмі і клуначнымі жывёламі.
Сетка Everest Link забяспечвае доступ да інтэрнэту з хуткасцю да 200 мегабіт у секунду. Доступ да інтэрнэту атрымаў і базавы лагер Джамалунгмы на вышыні 5364 метра, які з’яўляецца галоўным апорным пунктам для альпіністаў, якія збіраюцца забрацца на самую высокую гару ў свеце.
Таксама Everest Link стварыла праграму дыстанцыйнага навучання для мясцовых школьнікаў, таму што ў такіх высакагорных раёнах складана знайсці звычайных выкладчыкаў.
Цяпер чытаюць
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1919
Каментары