У Беларусі кожнае трэцяе дзіця ў веку 3—4 гадоў пазбаўленае бацькавай увагі — ЮНІСЕФ
У 74 краінах свету больш за палову дзяцей у веку ад 3 да 4 гадоў (каля 40 млн малых) пазбаўленыя ўвагі з боку татаў. Такія звесткі падаюцца ў дакладзе Дзіцячага фонду ААН (ЮНІСЕФ), паведамляе БелТА са спасылкай на Цэнтр навін ААН.
Аўтары даследавання адзначаюць, што ў Беларусі бацькавай увагі пазбаўленыя 32% малых дзяцей, ва Украіне — 29%, у Грузіі — 40%, у Казахстане — 49%, ва Узбекістане — 46%.
Між тым у гэтым узросце дзеці маюць патрэбу ў любові і клопаце абаіх бацькоў, у правільным харчаванні, абароне ад стрэсу і гвалту. У першую тысячу дзён пасля нараджэння мозг дзіцяці развіваецца вялізнымі тэмпамі — кожную секунду ў ім з'яўляецца каля тысячы новых злучэнняў. Яны шмат у чым забяспечваюць магчымасці разумовага апарата дзіцяці ў наступныя гады жыцця.
Як паказала даследаванне, бацькі не заўсёды адыгрываюць актыўную ролю ў развіцці дзяцей у самыя раннія гады іх жыцця, канстатаваў прадстаўнік ЮНІСЕФ Лоўрэнс Чэндзі. Ён заклікаў пераадолець бар'еры, якія перашкаджаюць бацькам надаваць немаўлятам і малым дзецям больш увагі, дарыць ім любоў, гуляць з імі, чытаць ім, распавядаць гісторыі, спяваць разам з імі і маляваць.
Цяпер чытаюць
Хітры расіянін Яўген з жонкай і малым прыдумалі, як бясплатна пажыць у кватэры беларускі30
Каментары