На грамадскае абмеркаванне вынесены праект дэталёвага планавання гістарычнага цэнтра Заслаўя. Пра гэта БелТА паведамілі ў Мінскім райвыканкаме. Меркаванні людзей наконт будучых змен будуць збіраць з 30 красавіка па 14 мая.
Дэталёвы план закранае тэрыторыю цэнтральнай часткі Заслаўя ў межах вул. Праектаванай №2 — чыгункі — канала (ракі Княгінькі) — канала Вілейска-Мінскай воднай сістэмы — ракі Чарніцы. Гэтая тэрыторыя ўключае гістарычную забудову агульнай плошчай 60,6 га. Праектам вызначаны наступныя этапы: першы этап рэалізацыі — да 2030 года, другі этап — да 2040 года.
Мэтай развіцця цэнтра Заслаўя з'яўляецца павышэнне яго горадабудаўнічай каштоўнасці, турыстычнага патэнцыялу, фарміраванне для жыхароў і гасцей горада цікавага і спрыяльнага для жыццядзейнасці асяроддзя. Адначасова гэта створыць перадумовы для павелічэння прэстыжу горада і яго прывабнасці для інвестараў.
Праектам прадугледжваецца ўзвядзенне шматкватэрнай малаэтажнай і сядзібнай забудовы, аб'ектаў грамадскага абслугоўвання і сацыяльных прастораў, уключаючы ўстановы адукацыі, гандлёвыя аб'екты і аб'екты грамадскага харчавання, аптэкі, аб'екты бытавога абслугоўвання, сувязі, аддзяленні банкаў, а таксама шматфункцыянальны грамадска-гандлёвы цэнтр, спа-комплекс, цэнтр рамёстваў (з міні-пякарняй, ганчарнай майстэрняй, майстэрнямі саломапляцення, ткацтва) і інш.
Прэзентацыя праекта адбудзецца 6 мая ў 18:00 у будынку Заслаўскага гарвыканкама па адрасе: горад Заслаўе, вуліца Вялікая, 1.
-
Беларуса ў жаданні абмежаваць паўсюдную рэкламу казіно падтрымала Мінгандлю. Але прапагандысты параілі яму «не лезці не туды»
-
У гарах Кыргызстана з дрона адшукалі целы зніклых беларускіх альпіністаў
-
З Беларусі высылаюць больш за дзесяць польскіх святароў. У Магілёве ўжо развіталіся з пробашчам — і з праектам новага касцёла
Цяпер чытаюць
У гарах Кыргызстана з дрона адшукалі целы зніклых беларускіх альпіністаў6
Каментары