Жыхарка Гомеля даведалася пра мільёны мужа толькі пасля разводу і пайшла ў суд
Пакуль жонка нават не падазравала, яе муж пабудаваў бізнэс-імперыю.
Пара з Гомеля пражыла ў шлюбе 24 гады, выгадавала дваіх сыноў і развялася. І толькі пасля расставання жанчына выпадкова даведалася, што яе былы — мільянер, пішуць «Моцныя навіны».
Высветлілася, што яшчэ ў 2018‑м муж употай ад жонкі адкрыў у расійскім Навазыбкаве фірму. Схема аказалася прыбытковай: у Гомелі рабілі прагулачныя і спартыўныя катары, а ў Расіі іх паспяхова прадавалі.
Паводле наяўнай інфармацыі, толькі за 2023 год выручка перавысіла 500 тысяч даляраў, з якіх чыстага прыбытку — каля 130 тысяч.
А ў пары быў шлюбны кантракт — аформілі яго якраз за два гады да разводу. Цяпер гамяльчанка патрабуе праз суд сваю законную долю — палову ўсіх даходаў.
Вырашыць пытанне аказалася не так проста. Мужчына ўжо паспеў ліквідаваць фірму ў РФ, а расійскаму суду давялося звяртацца ў Мінюст Беларусі, каб разабрацца ў тонкасцях нашага заканадаўства аб шлюбных дамовах.
Суд працягнецца ў маі, і ў гамяльчанкі ёсць шанцы яго выйграць.
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»4
Каментары
Мільянер з прыбыткам 10тысяч у месяц? Мільён- гэта палачка з шасцю авальчыкамі)