Жонка вызваленага патрыёта Дундукова зварыла на продаж мыльнага Пачакуна
Ганна Дундукова вядома многім як добры мылавар. На выраб такой навінкі яе натхнілі апошнія драматычныя для іх сям’і падзеі.
На фота — пачакуны з водарам цукерак і трускалкі.
«Гэты Пачакун — сімвал апошніх трох месяцаў нашага жыцця. Мы чакалі, што нашы хлопцы вернуцца, што, нарэшце, нешта ў гэтай справе праясніцца. І вось дачакаліся — яны дома. Цяпер трэба, каб з іх знялі ўсе надуманыя абвінавачванні», — патлумачыла «Нашай Ніве» Ганна.
Сувенірным мылам пад брэндам «DrevA» дзяўчына займаецца ўжо не першы год: адкрыла для сябе новае хобі, як выйшла ў дэкрэт. Пачакуна ў майстра можна замаўляць ў любым колеры. На дадзены момант яго цана па акцыі складае 5 рублёў.
Каментары