У буферных зонах бяспекі ў Сірыі прадугледжваецца прысутнасць расійскай ваеннай паліцыі, паведаміў журналістам кіраўнік расійскай дэлегацыі на перамовах у Астане Аляксандр Лаўрэнцьеў, паведамляе РІАН.
Пытанне аб межах зон дээскалацыі і кантролі над імі абмяркоўваецца на пятым раўндзе перамоў па Сірыі ў Астане, які пачаўся ў аўторак і прадоўжыцца два дні. У сустрэчы бяруць удзел краіны-гаранты — Расія, Турцыя і Іран, а таксама дэлегацыя ААН і назіральнікі — ЗША і Іарданія.
«Пакуль складана казаць аб прысутнасці расійскіх назіральнікаў, прадстаўнікоў расійскага Міністэрства абароны, тым не менш, у цэлым прадугледжваецца прысутнасць расійскай ваеннай паліцыі ў буферных зонах бяспекі. Але, зноў жа, гэтае пытанне да канца яшчэ не ўзгодненае», — адзначыў Лаўрэнцьеў.
Па словах расійскага прадстаўніка, у выпадку падпісання дакумента аб зонах дээскалацыі канкрэтныя дзеянні па ўсталяванні кантролю над імі і размяшчэнні сіл будуць прынятыя на працягу двух-трох тыдняў.
Ён паведаміў, што лініі судакранання і межы другой і трэцяй зон дээскалацыі амаль вызначаныя.
«Ёсць яшчэ пытанне ў нас па Ідлібе і ёсць сякія-такія рэзервацыі яшчэ па паўднёвай зоне. Але, тым не менш, я думаю, што не за гарамі той час, калі мы зможам выйсці на нейкае кампраміснае рашэнне па гэтых пытаннях», — дадаў кіраўнік расійскай дэлегацыі.
Лаўрэнцьеў падкрэсліў, што ад запуску працэсу стварэння зон дээскалацыі залежыць прыняцце цэлага шэрагу спадарожных дакументаў, якія працуюць на ўзмацненне даверу паміж супрацьлеглымі бакамі ў Сірыі.
«Гэта і палажэнне па абмене зняволенымі і гвалтоўна ўтрыманымі асобамі, і палажэнне аб размініраванні помнікаў гістарычнай спадчыны. Яны знаходзяцца цяпер у прапрацоўцы», — сказаў ён.
Пра Мелказёрава ў яго апошні дзень: «Было адчуванне, што ён стомлены, бракуе энергіі, рысы твару былі запалыя»5
Каментары