Сувязь паміж аўтамабілямі — гэта яшчэ адзін важны крок у кірунку бяспекі, які робіць Volkswagen для таго, каб паменшыць колькасць няшчасных выпадкаў на дарогах і мінімізаваць іх наступствы. З 2019 года Volkswagen будзе забяспечваць аўтамабілі абсталяваннем для бесправаднога абмену дадзенымі, каб яны маглі паведамляць адзін аднаму інфармацыю аб дарожнай абстаноўцы. Паведамленні будуць адпраўляцца ў лічаныя мілісекунды ўдзельнікам дарожнага руху ў радыусе каля 500 м. Вадзіцелі атрымаюць гукавое і візуальнае апавяшчэнне аб узрослай імавернасці аварыйнай сітуацыі і змогуць аператыўна зрэагаваць, нават калі патэнцыйная пагроза ідзе «з-за кута» і знаходзіцца па-за полем зроку. Сістэма будзе паведамляць таксама аб слізкай дарозе, заторы і інш. Абмен інфармацыяй будзе адбывацца як паміж аўтамабілямі, так і паміж аўтамабілем і аб'ектамі дарожнай інфраструктуры.
Гэта стане магчымым дзякуючы выкарыстанню тэхналогіі рWLAN на аснове стандарту IEEE 802.11p. Функцыянаванне тэхналогіі не патрабуе наяўнасці пакрыцця сотавай сеткі і не цягне дадатковыя выдаткі на сувязі. Тэхналогію будуць выкарыстоўваць кіроўцы, аўтамабілі з аўтапілотам і экстранныя службы. Калі паліцыя і хуткая дапамога таксама будуць падлучаныя — кіроўцы змогуць атрымліваць інфармацыю аб іх найбліжэйшым месцазнаходжанні.
На дадзены момант Volkswagen распрацоўвае гэты аспект з уладамі, міністэрствам транспарту і іншымі ўдзельнікамі дарожнай інфраструктуры, каб паскорыць распаўсюджванне тэхналогіі і ўключыць яе ў базавае абсталяванне ўсіх аўтамабіляў. У той жа час велізарныя намаганні прыкладваюцца, каб распрацаваць адпаведную абарону персанальных дадзеных.
Цяпер чытаюць
У Гомелі закрылі забягалаўку прадпрымальніка-лукашыста і знішчылі яго плакат са Сталіным13
Каментары