Па замове Беларускай чыгункі кампанія МТС разгарнула зоны Wi-Fi на ўсіх 19 чыгуначных вакзалах Беларусі, паведамілі БелТА ў прэс-цэнтры БЧ.
У залах чакання і холах, а таксама ў пакоях адпачынку ў Мінску і Брэсце ўстаноўлены 103 пункты доступу. Тэхналогія тэставалася больш за два тыдні. За гэты час больш за 17 тысяч чалавек скарысталіся Wi-Fi на вакзалах. Пакуль актыўней за ўсё такой магчымасцю карыстаюцца ў Мінску, Гомелі і Віцебску.
Скарыстацца сэрвісам можна пасля ідэнтыфікацыі асобы. Карыстальніку неабходна ўвесці нумар мабільнага тэлефона ў спецыяльнае поле, пасля чаго ён атрымае СМС з паролем для ўваходу ў сетку. Аўтарызацыя дзейнічае на працягу 24 гадзін.
Як адзначылі ў кампаніі МТС, праект з Беларускай чыгункай - адзін з самых маштабных і знакавых для аператара. Бясплатны Wi-Fi даступны на вакзалах у Мінску, Брэсце, Баранавічах, Віцебску, Гомелі, Гродне, Магілёве, Бабруйску, Барысаве, Жлобіне, Калінкавічах, Крычаве, Лідзе, Лунінцы, Маладзечна, Оршы, Асіповічах, Полацку і Пінску.
Памерла 39-гадовая экс-палітзняволеная Ганна Кандраценка. У калоніі ў яе знайшлі рак, але не вызвалілі27
Каментары