БАТЭ – у Лізе чэмпіёнаў! Матч у адказ супраць «Леўскага», у 3-м раўндзе Лігі чэмпіёнаў завершыўся зь лікам 1:1. Два тыдні таму ў Сафіі БАТЭ выйграў 1:0. Такім чынам, беларускі клюб упершыню ў гісторыі трапіў у групавы турнір Лігі чэмпіёнаў, за што атрымае 7 мільёнаў эўра. Лёсаваньне — заўтра. Хто прыездзе ў Менск: «Манчэстар», «Барса», «Інтэр»?
БАТЭ – у Лізе чэмпіёнаў! Матч у адказ супраць «Леўскага», у 3-м раўндзе Лігі чэмпіёнаў завершыўся зь лікам 1:1. Два тыдні таму ў Сафіі БАТЭ выйграў 1:0. Такім чынам, беларускі клюб упершыню ў гісторыі трапіў у групавы турнір Лігі чэмпіёнаў, за што атрымае 7 мільёнаў эўра. Лёсаваньне — заўтра. Хто прыездзе ў Менск: «Манчэстар», «Барса», «Інтэр»?
У Барысаве – 1:1. Гэта не нічыя, гэта перамога. Беларусы выстаялі, і цяпер БАТЭ трапляе ў Лігу чэмпіёнаў - сусьветную футбольную эліту.
БАТЭ на 14-й хвіліне адкрыў лік. Вызначыўся Сасноўскі. На 38-й хвіліне баўгары забілі мяч у адказ (Уладзімер Гаджаў).
У другім тайме БАТЭ стрымліваў атакі баўгар, час ад часу робячы вылазкі на вароты гасьцей. Колькі разоў гульня прымушала хапацца за сэрца.
Нагадаем, што ў першым матчы, два тыдні таму ў Сафіі, БАТЭ выйграў зь лікам 1:0.
Такім чынам беларускі клюб упершыню ў гісторыі трапіў у групавы турнір Лігі чэмпіёнаў, за што атрымае 7 мільёнаў эўра.
* * *
Групавы турнір — гэта восем падгрупаў па чатыры каманды. Каманды зь сярэдзіны верасьня па сярэдзіну сьнежня правядуць па шэсьць матчаў: тры дома і тры ў гасьцях.
Лёсаваньне групавога турніру пройдзе заўтра, 28 жніўня, у Манака.Пачатак а 19-й паводле менскага часу. Трансьляцыя на канале «Эўраспорт».
Пасьля таго, які прайшлі ўсе матчы 3-га раўнду, усе каманды канчаткова разьмеркаваныя па кошыках:
Кошык 1: Манчэстар Юнайтэд, Чэлсі, Арсэнал, Лівэрпуль, Барсэлёна, Ліён, Інтэр, Рэал
Кошык 2: Баварыя, ПСВ, Вільярэал, Рома, Порту, Вэрдэр, Спортынг, Ювэнтус.
Кошык 3: Марсэль, Зэніт, Сьцяўа, Панацінаікас, Бардо, Сэлтык, Базэль, Фэнэрбахчэ.
Кошык 4:. Шахцёр Данецк, Дынама Кіеў, Фіярэнтына, Атлетыка, Стандарт, ЧФР, Ольбарг, Анартосіс, БАТЭ.
Гэта азначае, што барысаўскаму клюбу трапіцца па адной камандзе зь першага, другога і трэцяга кошыкаў, і ня трапяцца нам Шахцёр Данецк, Дынама Кіеў, Фіярэнтына, Атлетыка, Стандарт, ЧФР, Ольбарг, Анартосіс.
Фотарэпартаж Юліі Дарашкевіч глядзіце тутака.
Цяпер чытаюць
Беларусы сустракаюць вызваленых палітвязняў у Вільні ФОТЫ і ВІДЭА4
Каментары