Пры гэтым Орбан адкрыта заяўляе, што цяперашні курс ЕС у плане каштоўнасцяў не супадае з венгерскім.
Кіраўнік венгерскага ўрада Віктар Орбан назваў дзве прычыны, па якіх Венгрыя не выходзіць з Еўрапейскага Саюза.
Першая прычына, паводле яго слоў, заключаецца ў тым, што ў культурным, філасофскім і гістарычным плане Венгрыя заўсёды належала Захаду, піша «Еўрапейская праўда».
«Мы належым да рымска-хрысціянскай традыцыі Еўропы, а не да праваслаўнай і не да мусульманскай, якая распаўсюджаная на поўдні. Таму для венграў прыналежнасць да Еўрапейскага Саюза — гэта, прынамсі часткова, пытанне цывілізацыі, да якой ты належыш», — сказаў ён.
Другі падыход, растлумачыў Орбан, больш прагматычны і звязаны з эканомікай.
«Ведаеце, гэта краіна з насельніцтвам 10 мільёнаў. Мы страцілі свае тэрыторыі ў выніку Першай сусветнай вайны. У нас няма крыніц энергіі, няма сыравіны. Таму нас прысудзілі да смерці. Але мы выжылі. Такім чынам, нам патрэбная рабочая сіла, прадукты, створаныя гэтай рабочай сілай, нам патрэбныя рынкі. А Еўрапейскі Саюз азначае рынак», — заявіў Орбан.
Ён сказаў, што Еўрапейскі Саюз не з’яўляецца каштоўнасцю для Венгрыі, таму што «напрамак, у якім рухаецца Еўрапейскі Саюз у плане каштоўнасцей, не мае нічога агульнага з каштоўнасцямі, якія мы вызнаём».
Летась Орбан заяўляў, што яго краіна не мае намеру выходзіць з Еўрапейскага Саюза, а хоча «пераўтварыць» аб’яднанне.
Цяпер чытаюць
На «гульні Мацкевіча» не было Ціханоўскай, Латушкі, Ціханоўскага. Бабарыка і Калеснікава ад’язджалі, але вярнуліся6
На «гульні Мацкевіча» не было Ціханоўскай, Латушкі, Ціханоўскага. Бабарыка і Калеснікава ад’язджалі, але вярнуліся
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары
Калі такі жорсткі механізм прыняцця ў ЕС, то мусіць быць і механізм прымусовага выключэння з ЕС, калі выбаршчыкі краіны пайшлі шляхам папулізму і адракаюцца ад еўрапейскіх каштоўнасцяў, а краіна сядзіць у ЕС выключна дзеля меркантыльных цікавасцяў карыстання грашыма ды рынкам, які дае ЕС.