Лідараў венесуэльскай апазіцыі Леапольда Лопеса і Антоніа Ледэзму арыштавалі, паведамілі іх сваякі.
Яны знаходзіліся пад хатнім арыштам. Іх абвінавацілі ў падбухторванні да гвалту падчас антыўрадавых пратэстаў 2014 года, паведаміла Бі-бі-сі.
Сваякі двух затрыманых апазіцыянераў кажуць, што не ведаюць, куды іх павезлі.
Два дні таму ў краіне прайшлі выбары ў Канстытуцыйную асамблею, якой прэзідэнт Нікалас Мадура збіраецца падмяніць парламент, дзе большасць мае апазіцыя.
Перад тым, Лопес апублікаваў на Ютубе відэа, у якім заклікаў венесуэльцаў выйсці на вуліцы ў знак пратэсту.
Яго жонка напісала ў Twitter, што мужа, напярэдадні вызваленага з вайсковай турмы, забралі з дому.
За ўсё, што можа з ім здарыцца, яна ўсклала адказнасць на Нікаласа Мадуру.
У той жа час дачка іншага апазіцыянера Антоніа Ледэзма апублікавала відэаролік, у якім яе бацьку, адзетага ў піжаму, забіраюць з дому афіцэры венесуэльскіх спецслужбаў.
-
Швейцарыя выступіла супраць абмежавання колькасці насельніцтва
-
Эпатажны спявак Oliver Tree і яшчэ пяць чалавек загінулі ў Бразіліі пасля сутыкнення верталётаў
-
Пуцін павіншаваў Трампа з 80‑годдзем і заявіў, што чакае Зяленскага ў Маскве. Крэмль сцвярджае, што прэзідэнт ЗША паабяцаў уздзейнічаць на Кіеў
Каментары